donizعالكرسي

بصراحة لقيت انو انسب شي نبلش فيكي دونيز ونحطك على كرسي الاعتراف .....

1-شو السبب يلي خلاكي تأسسي منتدى

2- شو بيعنيلك النت واديش بياخد من وقتك وحياتك

3- اخدة الدراسة بشكل جدي ولا لانو ما في مهرب

رح اكتفي مبدئيا بهالاسئلة بس لا تفرحي كتير الخير لقدام

يلا يا جماعة بدي همتكم لنخلي دونيز تعترف بشكل كامل

أنا خجلت كتييير بس رح جاوب :

1 _ أنا بحب أنو يكون عندي منتدى خاص أتبادل فيه الآراء مع أناس آخرون و أتعرّف على أصدقاء جدد .
2 _ و الله النت شي كتييير هام بحياتي و بعد ما أسست المنتدى صار أهم و أهم و عم أئئعد بالليل عليه أكتر من ساعتين .
3 _ لاء طبعاً بشكل جدّي .

الله يعينّي على الأسئلة الجاي

يلا دونيز كمان اسئلة من عندي...

ا- شو اطيب اكلة عندك؟
2- انتي مطيعة بالبيت ولا بتفرضي رايك؟
3- عنيدة ولا هنية؟
4- شاطرة بالدراسة ولا نص عنص ولا ابدا؟
5- شو مسهرك لهلق....؟

أجوبتي هي :

1 _ أطيب أكلة المعكرونة .
2 _ الاتنين سوا .
3 _ الاتنين بس عنيدة أكتر .
4 _ ( بدون اعتزاز بالنفس ) : شاطرة .
5 _ هههههههههههه !!! بحب السهر كتييير !!!

مين لسّا بدّو يسأل ؟؟؟

1- مين اكتر شخص بالحياة بتحبيه؟

2-بتفضلي صديقك المقرب يكون شب او بنت؟

3-شو الشي يلي ما بتتمنيه يكون موجود بالنت؟

4-يتحبي رفقة النت ولا رفيق الحياة العادية؟؟

5-شو اكتر شي بيجرحك بمعاملة الاخرين لالك؟؟

6- مين الصديق المثالي بنظرك؟

7- بهمك بالشب اكتر اخلاقو ام شكلو؟

بلّشنا بالخصوصيات , بس رح جاوب :

1 _ ماما و بابا و أخي .
2 _ حسب الصديق بس بفضّل أكثر بنت .
3 _ أنو بكل موقع يكون في برنامج لمنع الفيروسات من دخول ملفّاته .
4 _ الرفئة العادية أحسن بس إذا كانت رفئة النت صادئة فليش لاء .
5 _ أنو ما يحترموا رأيي .
6 _ الصديق المثالي هو يلّي بساعدني وئت الحاجة و يكون وفي و ما بيكذب عليي .
7 _ طبعاً أخلاقو .

1- أكتر لون بتحبيه...

2- احلى نوع أزهار....

3- بتحبي الموسيقا الهادئة ولا الصاخبة؟

4- شو نوع الكتب يلي بتلفتك؟

5- بهاللحظة شو عم تفكري؟

6- بتحبي الرقص؟

7- بتحبي لون البشرة الابيض ولا الحنطي ولا االاسمر؟

الأسئلة حلوة و أجوبتي هي :

1 _ الأبيض .
2 _ الياسمين .
3 _ ما كتير بحب الموسيقا و حسب الأغنية .
4 _ الأرقام القياسية و العجائب .
5 _ ههههههههههههههه !!! بالأجوبة طبعاً .
6 _ لااااااااااااااااااااااااااااااااااااااااااااااااااااا .
7 _ الأبيض .