بعض أكاذيب الشباب
بتعرفي حبيبتي..والله أنا ما عندي حركات متل باقي الشباب..ما بحب هالتصرفات والركض ورا البنات
اي فعلا...وهوي كل بنات البلد بيعرفوه.
مابعرف ليش بحس حالي بعرفك من زمان..
بتكون بتذكروا بشي وحدة كان يعرفها من قبل..
حبيبتي انتي غير عن كل البنات..مختلفة عنهم كلهم..
ليش جايي من كوكب تاني مثلا...
بتعرفي..أنا وياكي في كتير أمور بنتشابه فيها كأننا شخص واحد..
يا سبحان الله...فولة وانقسمت نصين
يا ريت يا عمري عرفتك من زمان
معليش كان عندك زحمة
حبيبتي انتي طلباتك أوامر..بس أشري
ههههههههههه
لو يطلع بإيدي خبيكي بعيوني حتى ما حدا يشوفك غيري
يا حراااام الغيرة حرقت ألبو حرق
حبيبتي أنا بدي اجي اخطبك من أهلك بس ناطر لكون نفسي
عيش يا حمار لينبت البرسيم...[/color]
أنا لازم شوفك كل يوم لك كل دقيقة..ما عاد أقدر على بعادك
مشان يتباهى قدام رفقاتو إنو بيعرف وحدة حلوة
أنا أكتر شي بحبو الشعر..ومن هواياتي الرسم والسباحة وركوب الخيل..
رومنسي وفارس الحبّيب...
لك أنا اذا حبيت بحب من كل البي..
اي بس أنو ألب فيهم..
علاقتي فيكي ما حدا بيعرف فيها أبدا ..لأنو هي العلاقة من أهم خصوصياتي...
اي هوي وأصحابو واحد...
لما بشوف رقمك عالموبايل ألبي بيفز من مكانو
بيخاف تسمع صوت اللي معو
حبيبتي اعطيني صورتك بدي شوفها قبل ما نام وحطها تحت مخدتي
مشان يهددها فيها عند اللزوم...
سوري حياتي امبارح ما قدرت احكي معك كنت مشغول بالدراسة كتير
آخ يا نيوتن انتا..
بصراحة أنا في كتير بنات بيطلبوا أعطيهم رقم الموبايل بس أنا طبعا ما بعطيهم وش لأنو انتي ملكتي ألبي
قصدو العكس البنات ما عبيعطوه وش
امبارح ما نمت كل الليل وأنا بفكر فيكي..
كان سهران عالدش
انتي احلى بنت شفتها بحياتي
واللي قبلها كانت هيك...واللي بعدها حتكون هيك
يمكن غير كمبيوتري..الو شهرين معي ملت منو
وهوي بكون معو كمبيوتر معفن من العصر الحجري بدو يصلحو
أنا ما بفتح المسنجر إلا لاحكي معك..أصلاً النت ما بيسوى بدونك
قصدو ما بفك البلوك ليخلص أحاديثو الجانبية
وما خفي كان أعظم...........
